What Is a Church Community?
Loading.....

The video player could not be built.

Do you want to chat with a missionary?

We are happy to answer any questions you may have. Start a chat or call us at 1-888-537-6600.

Hi I'm Aroha

I'm tūturu Rangitāne, I work at a Kōhanga Reo, I'm studying to be a Kura Kaupapa Māori Teacher and I'm a mormon

About Me

Ngā mihi tīkoakoa ki a tātou, Kātahi anō kua hoki pai atu ahau ki tō tātou nei whakapono e kīia ana ko Te Hāhi o Ihu Karaiti o Ngā Hunga Tapu o Ngā Rā o Muri Nei. Te mīharo, te rawe hoki o te ngākau ki ngā mahi katoa e hāngai pū ana ki te Atua, ki te hāhi hoki. Ka nui te aroha! I tēnei wā tonu e whai ana ahau i te ara mātauranga, ā, kei Te Whare Wānanga o Raukawa ki Ōtaki, hei whakakī i tōku puna mātauranga mō te tohu Poutuārongo Whakaakoranga. He kaiako ahau ki tētahi Kōhanga Reo, anō te pai, anō te ātaahua o ngā mahi nei. Ko tōku whānau whānui tētahi kaingākau matua nōku, ā, ko ngā mahi e hono ana ki te hāhi tētahi atu o āku kaingākau. Te pārekareka hoki. E ngākaunui ana ahau ki tōku reo, ki tōku Rangitānetanga ki tōku Ao Māori hoki heoi anō, i tēnei wā hoki kua whakarikihia e au i tētahi whāinga hei tutuki kia tū hei pononga mō tō tātou Matua i te Rangi. Mei kore ake te ngākui māhaki, te ngākau hūmārie, te ngākau muru, te ngākau aroha mutunga kore hoki tō te Atua, e kore rawa ahau me kī e tū kaha ana i tēnei wā.

Why I am a Mormon

E kore rawa ahau e āhei ana te pīhia ki ngā manaakitanga o te atua! E kore rawa ahau e āhei ana te whakakahore i te kaha, te wairua, te tika me te pono o te atua! Nāna ahau i rauora! Nāna ahau i whakaora! Nāna ahau i tuku ki tēnei whenua ki a papatūānuku hei whai tinana, hei tutuki i ngā whakaritenga nōna, ā, hei hoki pai atu ki a ia. He whakapono nōku ki a Ihu Karaiti, he whakapono nōku ki Te Pukapuka o Mōmona, ki a Joseph Smith hoki. He whakapono nōku ki tō mātou Matua i te Rangi, ki Te Poropiti a Thomas S. Monson. Te harikoa hoki o tōku ngākau ki tōku piringa ki te Hāhi o Ihu Karaiti o Ngā Hunga Tapu o Ngā Rā o Muri Nei, te whakamānawa hoki o tēnei honore!

How I live my faith

Kāre āku tūnga i tēnei wā heoi, nā tōku tino hiahia kia tū hei pononga, kua tino piri ahau ki ngā pononga o roto o mātou rohe. I a wiki ka haere ahau ki tō rātou taha ki te tutaki tangata hou, ki te mihi atu ki ngā whānau o tō mātou hāhi, ā, ki te mihi, awhi rānei ki a rātou mā me kī e āta titiro ana, e aromatawai ana i tō tātou nei hāhi. Ka ngana mātou te haere ki ngā momo hui mō ngā pononga, ki ngā ngohe hoki kua whakarite mō tō mātou nei rohe. Ko te pukapuka o Mōmona tētahi o ngā tūāpapa matua mōku hei ū tonu, hei whakapakari, hei tiaki hoki i tōku wairua. Ko tēnei tētahi o ngā tino taonga o tātou o ēnei rā hei aratakina i a mātou ki ēnei rā whakamutunga. Ko te tuku īnoi tētahi atu o ngā tino tūāpapa, ā, he tino taonga hoki kua tākoha mai e te atua. Nō reira pēnei ahau e whakatinana i tōku whakapono.