mormon.org Համաշխարհային
Մեր մարդիկ
Մեր արժեքները
Մեր հավատալիքները
Այցելեք մեզ
.

Ինչպե՞ս եմ ես ապրում իմ հավատով

  • Երաժշտական աշխարահն իր չափանիշներն ունի: Չեմ կարող հաշվել, թե քանի անգամ են ինձ թմրանյութ առաջարկել ետնաբեմում, կամ հրավիրել մասնակցելու մի շարք այլ միջոցառումների, որոնք կարող էին ինձ կամ մյուսներին վնաս պատճառել: Ես ամեն օր ապրում եմ ավետարանով, կայացնելով որոշումներ, որոնք օգնում են ինձ հավատարիմ մնալ իմ չափանիշներին: Ես շրջագայող երաժիշտ եմ և սիրում եմ մաքուր, թմրանյութերից զերծ, հարգալից և ապահով մթնոլորտ իմ շրջագայության ավտոբուսում: Ես սարսափելի պատմություններ եմ լսել շրջագայություններով լի կյանքի մասին և տհաճ իրավիճակների մասին, որոնց մեջ ինքստինքյան հայտնվում ես: Ինչևէ, շրջագայությունների համար սահմանած իմ չափանիշների շնորհիվ ոչ մի տհաճ իրավիճակ չի լինում, և մենք դարձել ենք լավ ընկերներ, որոնք իրենց կյանքի լավագույն ժամանակն են անցկացնում: Աշխարհի որ մասում էլ լինեմ, ես կարող եմ գտնել ՎՕՍ Եկեղեցին, որպեսզի այցելեմ Կիրակի օրը, որտեղ ինձ զգում եմ ինչպես տանը: Ցույց տալ ավելին

  • Այժմ ես ուսուցանում եմ մեր Եկեղեցու երիտասարդներին: Ես ջանք չեմ խնայում նրանց լավ օրինակ ծառայելուհամար: Այնուամենայնիվ, ես կատարյալ չեմ. երբեմն ես կարիք ունեմ, որ նրանք հիշեցնեն ինձ ճիշտն ընտրելու մասին: Մենք կիսվում ենք իրար հետ, օգնում ենք իրար և ամրացնում ենք մեր հավատքն իրար հետ: Մենք նաև միասին աղոթում ենք նրանց համար, ովքեր կարիքի մեջ են կամ դժվար ժամանակներ են ապրում: Ես փորձում եմ լավ ընկեր լինել ուրիշների համար և սովորել, թե ինչպես մտահոգվել ուրիշների մասին պատշաճ եղանակներով: Ես պահում եմ իմ խոստումները և անում եմ լավագույնը ազնիվ մարդ լինելու համար: Ցույց տալ ավելին

  • Եկեղեցում ես հաճախում եմ շատ ծրագրերի, որոնք օգնում են ամրացնել անդամներին: Ես իմ հավատքն եմ արտահայտում հասարակության մեջ իմ ծառայության միջոցով, որը շատ կարևոր է մորմոնական կրոնում: Ցույց տալ ավելին

  • 12 տարեկանում ես իմացա Եկեղեցու մասին իմ ավագ եղբոր ու քրոջ միջոցով, ովքեր ծանոթացրեցին ինձ միսիոներների հետ։ Նրանք ուսուցանեցին ինձ ավետարանը և խնդրեցին աղոթել և իմանալ, թե արդյոք նրանց ուսուցանածը ճիշտ էր․ և ես աղոթեցի ու 12 տարեկանում իմացա, որ ուղերձը ճիշտ է, որ Մորմոնի Գիրքը Աստծո խոսքն է և որոշեցի մկրտվել։ Եկեղեցում անցկացրած բոլոր տարիները շատ յուրահատուկ են եղել։ Ես հաճախել եմ սեմինարիա, ինստիտուտ, որոնք երիտասարդների համար նախատեսված ծրագրեր են, որտեղ ուսուցանվում է Ավետարանը։ Ես նաև միսիոներ եմ եղել մի հրաշալի երկրում՝ Բոլիվիայում։ Եկեղեցում ունեցել եմ մի շարք կոչումներ, որոնցից ամենաշատն ինձ դուր է եկել ծառայել Եկեղեցում ինձ նման երիտասարդների հետ։ Ես տեսել եմ, թե ինչպես է իմ կյանքը զարգացել և փոխվել ավետարանի շնորհիվ։ Նաև փոփոխություններ եմ տեսել շատ մարդկանց մեջ, մինչ նրանք կիրառել են ճշմարիտ սկզբունքները, որոնք տրված են ավետարանում։ Ես ինձ շատ մոտ եմ զգում Աստծուն և Նրա Որդուն՝ Հիսուս Քրիստոսին։ Ես սիրում եմ նրանց և վստահ եմ, որ Նրանք էլ սիրում են ինձ։ Ես վկայություն ունեմ այս ավետարանի մասին և իմ ողջ սրտով գիտեմ, որ այն ճշմարիտ է, որ Հիսուս Քրիստոսը իրական էակ է՝ հարություն առած և անմահ։ Ես սիրում եմ այս ավետարանը և դրա ուսմունքները: Ցույց տալ ավելին

  • Իմ մասնագիտությունը թույլ չի տալիս, որպեսզի ես հաճախակի լինեմ տանը, այսպիսով ես չունեմ հատուկ պատասխանատվություն եկեղեցում, երբ տանն եմ: Ես սիրում եմ այն կիրակիները, երբ կարողանում եմ հաճախել եկեղեցի ընտանիքիս հետ: Եկեղեցի հաճախելն ավելի շատ դարձել է շքեղություն, որն ինձ ստիպում է ավելի շատ գնահատել այն և հասկանալ, որ հավատքով ապրելու համար կա շատ ավելին, քան եկեղեցի հաճախելը: Ես կարդում եմ սուրբ գրությունները, աղոթում եմ և միշտ ուղիներ եմ փնտրում ավելի լավը լինելու համար: Դա գործողությունների ցուցակ չէ, այլ ապրելակերպ է: Ցույց տալ ավելին

  • Իմ մկրտության տարում` 1961թ., Մյունսթերում ես հանդիպեցի իմ ներկայիս կնոջը` Դագմարին հարևան ծխում` Օսնաբրուսկում: Ի սկզբանե մենք միասին որոշում կայացրեցինք, թե ինչպես պիտի առաջնորդվեինք մեր կյանքում, և ջանասիրաբար աշխատեցինք, յուրաքանչյուրս մեր ունակությունների սահմանում, ընտանիքում, կարիերայում, եկեղեցում և համայնքում: Ես ծառայել եմ Եկեղեցում որպես Սկաուտների ղեկավար, ուսուցիչ, քարոզիչ, կրթության բնագավառի մասնագետ և ծխի ղեկավար (եպիսկոպոս), ինչը ես շարունակում եմ անել, և ծառայել եմ տարածքային մակարդակով որպես խորհրդական, թարգմանիչ և բանավոր թարգմանիչ: Չեմ կարծում, որ դժվար է տեսնել բոլոր մարդկանց, որոնց հետ ես շփվում եմ, թե՝ անձնապես և թե՝ իմ գործի բերումով, որպես եղբայրներ և քույրեր, որպես Աստծո զավակներ, և վերաբերվել նրանց պատշաճ հարգանքով: Քանի որ Եկեղեցին սովորեցնում է «Սիրիր քո մերձավորին քո անձի պես», ես միշտ փորձել եմ առողջ պահել իմ մարմինն ու հոգին և զարգացնել իմ տաղանդները, որպեսզի կարողանամ ավելի լավ ծառայել թե իմ աշխատանքում և թե կամավոր աշխատանքում: Եկեղեցու կողմից ուսուցանվող մեկ այլ սկզբունք ոգևորում է ինձ. «Ճշմարիտ երկրպագությունը բաղկացած է մեր մերձավորներին ծառայելուց»: Այս գիտակցումով մղված վերաբերմունքը և գործողությունները, աջակցվելով Եկեղեցու սիրող ղեկավարների կողմից, ովքեր հետևում են Քրիստոսի օրինակին, տվել են ինձ ու իմ կնոջը գոհացուցիչ և երջանիկ զգացողություն կյանքում: Չնայած հիվանդաություններին, կորուստներին և անհաջողություններին, և նույնիսկ դրանց առկայությամբ, մենք երախտապարտ ենք հնարավորությունների համար, որոնք տրվել են մեզ: Ցույց տալ ավելին

  • Իմ հավատքը ազդում է ոչ միայն կյանքում կատարած իմ ընտրությունների վրա, այլ նաև կյանքի հանդեպ իմ վերաբերմունքի վրա: Այն, թե ինչպես եմ ես վերաբերվում ուրախությանը և տառապանքին, դրա մի մասն է կազմում: Պարզապես, քանի որ ես հավատք ունեմ, դա դեռ չի նշանակում, որ իմ կյանքում չկա անհանգստություն կամ հոգս: Դա պարզապես նշանակում է, որ անհանգստությունները և հոգսերը ինձ հուսահատության չեն հասցնում` որքան էլ երկար տևեն կամ որքան էլ դժվար լինի. դրանք օգնում են ինձ զարգանալ և սովորել: Ես շատ լավատես անձնավորություն եմ և փորձում եմ դրական բան տեսնել ամեն բանում: Ամեն բան ունի իր ժամանակը՝ կա տխուր լինելու ժամանակ և ուրախ լինելու ժամանակ: Ես ընդունում եմ տխուր լինելու ժամանակը, երբ դա այդպես պետք է լինի, սակայն ես նաև օգտագործում եմ այս ժամանակը իմ ուրախությունը ավելի շատ փայփայելու և վայելելու համար: Իմ հավատքը նաև օգնում է ինձ ավելի լավ վերաբերվել իմ մերձավորներին, քանի որ մենք բոլորս էլ եղբայրներ և քույրեր ենք: Ցույց տալ ավելին

  • Ես հաճախ զգացել եմ, որ հավատքը ավելին է, քան պարզապես հավատալը և/կամ բառերով խոստովանելը, որ մենք հետևում ենք Հիսուսին: Հավատքը զորեղ ուժ է, որ մեզ մղում է գործողության: Ես միշտ իմ կյանքի ընթացքում ջանացել եմ ոչ միայն խոսել դրա մասին, այլ ապրել դրանով: Կուրությունը ինձ իրոք տվել է կյանքի լիակատար հեռանկար և ակնկալիք: Շատ անգամ այն ինձ հնազանդ է պահել, բայց շատ այլ ձևերով տեսել եմ, թե ինչպես է Տիրոջ ձեռքը անհամար հրաշքներ կատարում իմ կյանքում և ինձ շրջապատողների կյանքում: Մինչ ես մտածում եմ իմ անցկացրած կյանքի փորձառության մասին, իմ ամենամեծ հիշողությունը և նվաճման զգացումը եկել են ուրիշներին ծառայելու միջոցով` թե´ մեր Եկեղեցում, թե´ համայնքում: Հիսուս Քրիստոսի օրինակը օգնել է ինձ ուրիշների կարիքները իմ կարիքներից առաջնահերթ համարել: Երջանկության և երախտագիտության արտահայտումը նրանց կողմից, ում ծառայում ենք, անգին է: Կինս և ես նաև հաճույք ենք ստանում օրվա ընթացքում սուրբ գրությունները միասին ընթեռնելիս և մեր երեխաների հետ միասին աղոթելիս և հետևողականորեն տեսնում ենք հսկայական տարբերություն մեր տանը, ինչպես նաև դպրոցում և աշխատանքի վայրում: Խաղաղության, բարության և ընդհանուր դրական վերաբերմունքի շատ ավելի մեծ ոգի է զգացվում ողջ ընտանիքի կողմից, երբ մենք Տիրոջ հետ ժամանակ ենք անցկացնում ամեն օր: Այնուամենայնիվ, իմ հարաբերությունը Աստծո հետ ամենակարևորն է, որ ունեմ. և ինչպես բոլոր լավ հարաբերությունները, այն պահանջում է ժամանակ, նվիրվածություն և շատ զոհաբերություն: Ես գիտեմ, որ Աստված գիտի ես ով եմ, և որ Նա ոչ միայն լսում է իմ աղոթքները, այլ նաև պատասխանում է դրանց: Այդ պատճառով ես ընտրում եմ հետևել Տեր Հիսուս Քրիստոսին, ոչ թե նրա համար, որ պետք է հետևեմ, այլ նրա համար, որ ուզում եմ: Ցույց տալ ավելին

  • Իմ հավատքն առ Աստված և Հիսուս Քրիստոսն օգնում է ինձ օրեցօր ավելի լավը դառնալ, ահա թե ինչու եմ փորձում կիսվել դրանով յուրաքանչյուրի հետ, ում ճանաչում եմ։ Մարդկանց ուսուցանելու միջոցով է, որ ես օրհնում եմ նրանց կյանքը՝ լինի դա իմ խոսքերով կամ իմ օրինակով։ Ես զգում եմ, որ Աստված ինձ շատ լավ է ճանաչում, այդ իսկ պատճառով Եկեղեցու իմ բոլոր հանձնարարությունները և կոչումները անմիջական կապ ունեն ուսուցման հետ։ Ես եղել եմ Ավետարանի Սկզբունքների ուսուցիչ, որն ուսուցանվում է յուրաքանչյուրին, ով ցանկանում է իմանալ և սովորել Եկեղեցու մասին և նոր անդամներին։ Ես երեք տարի ուսուցիչ եմ եղել սեմինարիայում, որը Եկեղեցու մի ծրագիր է 14-18 տարեկան պատանիների համար, որն օգնում է նրանց սովորել Հիսուս Քրիստոսի և հին Մարգարեների ու Առաքյալների ուսմունքների մասին, որոնք գտնվում են սուրբ գրություններում։ Պատանիներին ուսուցանելն ամբողջովին փոխել ու օրհնել է իմ կյանքը։ Իմ հանդեպ ցուցաբերած նրանց սերը լցրել է ինձ երջանկությամբ։ Տեսնելը, թե ինչպես են նրանք ամեն օր ինչ-որ բան փոխում ավելի լավը դառնալու համար, ինձ ուժ տվեց անելու նույնը և ապրելու նրանց հետ միասին պատանեկան տարիները, նրանց դժվարությունները և նրանց վշտերը հիշեցրին ինձ, որ ես նույնպես ապրել եմ այդ ժամանակները, մինչ փորձում էի պատկերացնել ինձ նրանց իրավիճակում։ Ես միանգամայն համոզված եմ, որ ամեն բան, ինչը ես նրանց ուսուցանել եմ, կօգնի նրանց իրենց կյանքում ինչ-որ մի պահի և նրանք կհիշեն իրենց սովորածը և դա կօգնի նրանց ճիշտ որոշումներ կայացնել։ Այժմ ես Երեխաների Միության ուսուցիչ եմ 4-8 տարեկան երեխաների մոտ, նրանք լցնում են իմ կյանքը և իմ սիրտը։ Իրենց անմեղությամբ, քաղցրությամբ և խոնարհությամբ նրանք ավելի շատ բան են ինձ սովորեցնում, քան ես նրանց, նրանք սիրում և երջանկացնում են ինձ։ Ես երջանիկ եմ, երբ կարողանում եմ նվիրաբերել իմ ժամանակն ուրիշներին, դա օգնում է ինձ մոռանալ իմ խնդիրների մասին, հասկանալ, որ դրանք փոքր են՝ այլ մարդկանց խնդիրների հետ համեմատած, և ես հասկացել եմ, որ շատ բաներ ունեմ, որոնց համար պետք է երախտապարտ լինեմ, նայեմ կյանքին ավելի դրական կողմից և սովորեմ ուրիշների գեղեցիկ փորձառություններից։ Ցույց տալ ավելին

  • Հիսուս Քրիստոսի Վերջին Օրերի Սրբերի Եկեղեցուն միանալուց հետո կարճ ժամանակ անց ես կարգվեցի որպես Քահանա, որն ինձ իշխանություն տվեց մասնակցելու որոշ սրբազան արարողությունների, ինչպիսին են ամեն շաբաթ Հաղորդությունը օրհնելը, որը Հիսուս Քրիստոսի Վերջին Ընթրիքի խորհրդանիշն էր, որ տեղի ունեցավ Նրա տառապանքներից և խաչելությունից առաջ, և նաև նոր անդամներին Մկրտելու իշխանություն: Ես սա միշտ համարել եմ հրաշալի և խոնարհեցնող արտոնություն: Մինչդեռ ես երբևէ չեմ հաճախել Համալսարան կամ ստացել Կրոնական կրթություն, կամ երբեք չեմ եղել Աստվածաշնչի հմուտ գիտակ, ես սկսեցի հասկանալ, որ իմ կյանքն իմաստ և նպատակ ունի, ոգեշնչվելով այն փաստից, որ Պետրոս Առաքյալը ձկնորս էր, երբ Հիսուսն ասաց. «եկ հետևիր ինձ»: Մենք կանչված ենք ծառայելու Եկեղեցու Կոչումներում Աստվածային Ոգեշնչմամբ: Կոչումները մեզ աճելու և սովորելու և այն մարդկանց սիրելու հնարավորություն են տալիս, ում մենք ծառայում ենք: Քանի որ Եկեղեցում չկա վճարվող հոգևորականություն, հաճախ պահանջվում է զոհաբերություն անել, քանի որ կյանքը շատ զբաղված է, սակայն երբ ես առաջին տեղում դնում եմ Աստծո գործը, թվում է, թե ես ավելի շատ ժամանակ եմ ունենում այլ բաներ անելու համար և իմ կարծիքով օրհնություններն ավելի մեծ են լինում, քան փողով կարելի է գնել: Ես երիտասարդների ղեկավար եմ մեր տեղի համայնքում և ուսուցանում և օգնում եմ 12-18 տարեկան երիտասարդ տղամարդկանց ունենալ ամուր բարոյական որակներ և հավատք առ Աստված և սովորում սիրել և ծառայել ուրիշներին: Ինձ շատ է օգնում և աջակցում Յոհան անունով իմ խորհրդականը, ով միսիա է ծառայել Ճապոնիայում և այնտեղ է եղել, երբ երկրաշարժ տեղի ունեցավ, և նա կարողացել է օգտակար լինել այնտեղ: Նա շատ լավ տղա է և սովորեցնում է իմ կրտսեր որդուն` Բենին, ճապոներեն արտահայտություններ և ներկայացնում է մշակույթը, որը նա սիրում է, քանի որ նա իրոք հետաքրքրված է Մանգայով: Մեր եպիսկոպոսը շատ աշխույժ մարդ է: Նա ձեռք է բերել մի հին 175 cc, որի վրա մենք այժմ աշխատում ենք: Մենք շատ ենք խաղում ֆուտբոլ, գնում ենք ճամբար, պարանով ցած իջնում, մակույկավարում, կրակում նշանակետին, պիցա ուտում, գոյատևելու համար անհրաժեշտ հմտություններ սովորում և մեծահասակներին օգնում մշակել իրենց այգին: Մեզ դա դուր է գալիս: Ինձ նաև հանձնարարված է մեկ այլ եղբոր հետ ամիսը մեկ անգամ այցելել 3 ընտանիքների, կիսվելով նրանց հետ ամսական ուղերձներով սիրո մասին, և աջակցել ու օգնություն ցուցաբերել, երբ անհրաժեշտություն է լինում: Ես նաև տարիների ընթացքում աշխատել եմ տարբեր Բարեգործական ծրագրերի վրա: Սիրեք դա: Ցույց տալ ավելին

Արդյունքներ չկան