Samtang ang among mga kaagi ug mga kasinatian managlahi, kami managsama nga adunay hugot nga pasalig kang Jesukristo, sa usag usa, ug sa among mga silingan. Tan-awa kini nga mga istorya kabahin sa pagtuo sa inadlaw nga pagpakabuhi sa Mormons. Mahimo sab kang makighimamat sa Mormons dinhi .
Ang
among hugot nga pagtuo nag-impluwensya sa hapit tanang aspeto sa among kinabuhi. Labaw kay
sa yano lang nga pagtuo kang Jesukristo, naningkamot kami sa pagdala sa Iyang mga
pagtulun-an sa panimalay, sa trabaho ug sa atong komunidad. Aniay pipila ka kultural nga mga
prayoridad nga gihuptan sa mga miyembro sa Simbahan sa tibuok kalibutan.
Kitang tanan espiritu nga mga anak sa usa ka mapinanggaong Langitnong Amahan kinsa mipadala kanato dinhi sa yuta aron magkat-on ug molambo sa mortal nga kahimtang. Isip Mormons, mga sumusunod kami ni Jesukristo. Nagpakabuhi kami sa pagserbisyo Kaniya ug sa pagtudlo sa Iyang mahangturon nga plano alang sa matag usa kanato.
Ako nagmatuod nga ako adunay pagtugot sa paghatag sa Ang Simbahan ni Jesukristo sa mga Santos sa Ulahing mga Adlaw og impormasyon sa pagkontak alang niini nga tawo. Ako usab nakasabut nga ang mga representante sa Simbahan motuman sa akong gihangyo pinaagi sa pagkontak nako ug sa tawo nga akong gi-refer.
Pangayo og Basahon ni Mormon
Salamat sa pagpangayo og Basahon ni Mormon gikan sa Ang Simbahan ni Jesukristo sa mga Santos sa Ulahing mga Adlaw. Kontakon ka sa mga misyonaryo sa dili madugay.
Salamat sa pagpangayo og Balaan nga Biblia gikan sa Ang Simbahan ni Jesukristo sa mga Santos sa Ulahing mga Adlaw. Kontakon ka sa mga misyonaryo sa dili madugay.
Unsa ang gituohan sa Mormons mahitungod sa kinaiya sa Dios?
Ang Dios hingpit, maalamon sa tanan, ug gamhanan sa tanan; ang magmamando sa universo (tanang kalibutan). Siya maloloy-on, mabination, ug makiangayon usab. Siya ang atong Amahan sa Langit. Kita gibuhat sa Iyang kaugalingong dagway (Genesis 1:27). Siya adunay lawas nga sama sa atoa, apan ang lawas sa Dios imortal, hingpit, ug adunay himaya nga dili ikahulagway sa mga pulong. Tungod kay kita Iyang mga anak, nakaila ug nahigugma Siya kanato kada usa. Siya adunay plano sa pagtabang sa Iyang mga anak nga makakaplag og kalipay niini nga kinabuhi ug makabalik sa pagpuyo uban Kaniya kon matapos na kining kinabuhia.
Deborah Dushku Gardner mitubag …
Nagatuo kami nga si Jesukristo Anak sa Dios ug, lahi nga personahe sa Dios nga Amahan. Busa, nagtuo kami mga ang Dios nga Amahan, Iyang anak si Jesukristo, ug ang Espiritu Santo tulo ka managlahi nga personahe, apan usa ang katuyoan. Nagtuo kami nga ang Dios nga Amahan mipadala dinhi sa iyang anak si Jesukristo sa pagtubos kanato gikan sa mga sala ug himoong posible ang pagkabanhaw alang natong tanan. Ang among depinisyon sa Dios nga Kapangulohan maoy nakapalahi kanamo sa ubang relihiyon.
Daghan ang ipakitaGamay lang ang ipakita
Yvette mitubag …
Ang Dios ang akong Langitnong Amahan - ang amahan sa atong mga espiritu. Gilalang kita sa Iyang panagway, mao usab ang atong pisikal nga lawas gilalang sa panagway sa yutan-on natong ginikanan. May lawas siya ug unod ug bukog sama kanato, apan usa ka hingpit nga binuhat.
Isip atong amahan, ang Dios buot nga kita mahisama kaniya ug makabalik og puyo uban Kaniya sa umaabut. Nakaila gayud Siya kanato ug mahunahunaon sa matag indibidwal; gusto siyang magmalipayon kita, apan dili mamugos kanato. Hinoon, mihatag siya og mga patakaran, nga ginganlan og mga sugo, aron matabangan kitang mohimo og mga desisyon nga mogiya kanato sa kalipay.
Daghan ang ipakitaGamay lang ang ipakita
